Bost partidu jokatu dituzte palista hernaniarrek, joan den asteburuan, Gipuzkoako Txapelketan; eta horietatik, hiru irabazi dituzte, eta bi galdu.
Neska nagusietan, bigarren mailan, garaipena lortu zuten Ekhine Balerdik eta Ainhoa Urienek, Deban, Iruleak taldearen kontra (23-30). Eider Otaegik eta Eli Gutierrezek, ordea, ezin izan zuten Alegian, Intxurreko bikotearen kontra; eta partidu estuan, 30-28 galdu zuten.
Mutil nagusiek, berriz, Andoainen zeukaten bigarren mailako partidua, eta 25-13 galdu zuten, Gaztelekuren kontra. Eta neska jubenilek, azkenik, jokatutako biak irabazi zituzten: Maddi Iriondok eta Ane Kerejetak 17-30 irabazi zuten Villabonan, Behar Zanaren kontra; eta Laia Garmendia eta Irati Miner 13-30 nagusitu ziren Alegian, Intxurreren kontra.