Hernani eta Bera Beraren artean bi partidu jokatu ziren asteburuan eta biak hernaniarren garaipenekin amaitu ziren. Larunbatean trikoloreek 26-14 irabazi zuten talde donostiarraren aurka, Euskal Ligako lehenengo jardunaldian, eta denboraldi ofiziala ezin hobeto hasi dute neskek.
Errugbi maila altua erakutsi zuten eta pasa den urteko ildo onari jarraipena emateko asmoz daude. Aurreneko pausoa eman zuten. Hori bai, puntuak lortzeko izerdia gogotik bota behar izan zuten hernaniarrek. Garaipen landua izan zen eta behin lortu eta gero gozatzen den horietakoa, arerio gogor baten aurka.
18 urtez azpikoek, garaipena
Aurten ere itxura ezin hobea duen taldea 18 urtez azpikoa da. Hautagai nagusia da Euskal Herriko txapeldun izateko eta aste honetan 40-5 irabazi zuen Gaztediren kontra, Landaren.
16 urtez azpikoek berriz galdu egin zuten Landaren klub berdinaren aurka, Gaztedi, 12-36. Aurten maila apalagoan ariko da 16 urtez azpiko taldea.