Hernani Wukrorekin elkarteak antolatuta, hitzaldia eskainiko du Angel Olaranek, datorren astelehenean, Biterin. Arratsaldeko 19:00etan izango da, eta bertan, Tigrayk bizi duen krisi humanitarioaren berri emango du Olaranek, duela ia urtebete piztu zen gatazkaren ondorioz. Aditzera emango ditu, era berean, Wukroko herritarrek bizi dituzten egoerak, eta handik iritsi zaizkion azkeneko informazioak.
Izan ere, egoerak okerrera egin du Wukron; eta hemendik laguntza bidaltzea «beharrezkoa» dela nabarmendu du Hernani Wukrorekin elkarteak. Laguntza eman nahi duenak, elkarteko kontu korrontearen bidez egin dezake: ES62 2095 5041 1510 6167 4080 (Kutxabank).