Renfek jakinarazi duenez, Donostian Iztuetan egiten ari diren obraren amaieraren ondorioz eta Hernani eta Irun artean egiten ari diren beste trenbide-azpiegitura batzuk amaitu bitartean, trenen zirkulazioa etenda geratuko da bi trenbideetatik, Hernani eta Hendaiako geltokien artean, larunbata eta asteartea bitartean. Hori horrela izanik autobus-transbordoak eskainiko ditu Renfek.
Hernaniko kasuan, Floridako geltokiraino iritsiko dira tren guztiak eta hemen bidaiariek autobusa hartuko dute Irun aldera joateko. Irundik Hernanira ere autobusez egingo dute bidea.
Brinkolarako autobusak ohiko ordutegia baino 5 minutu lehenago irtengo dira. Autobus guztiek, 'Renfe' bezala identifikatuta, aldiriko geltokietatik gertu dauden hiri-autobusen markesinetan egingo dituzte geldialdiak eta irteerak.
Distantzia ertaineko trenetan, Irun eta Andoaingo geltokiaren artean egingo da autobus-aldaketa. Bestalde, Irunen irteera eta helmuga duten distantzia luzeetako trenetako bidaiariek ere autobusez bidaiatuko dute: Madrid Chamartín (Tolosan), Coruña eta Vigo (Gasteizen) eta Bartzelona (Iruñean).