Bi tailer antolatu ditu Kaxko elkarteak, ikasturte honetarako; eta gaur hasiko dira biak. Batetik, Erritmoa naiz esperientzia tailerra eskainiko dute Biterin, asteartero 11:45etatik 13:00etara. Eta bestetik, Soinu magikoak izeneko tailerra prestatu dute, 0-3 urteko haurrentzat, asteartero bi txandatan: aurrenekoa 10:00etatik 10:45etara, eta bigarrena 11:00etatik 11:45etara. Doakoak dira bi tailerrak, baina izena eman behar da aldez aurretik: 608 193 701 telefonoan, edota info@musikanaiz.com helbide elektronikoan. Informazio gehiago, musikanaiz.com webgunean dago eskuragarri. Gaur hasi, eta ekainaren 14ra arte luzatuko dira bi tailerrak.