Bihartik aurrera zitarik hartu gabe joan ahal izango dute erabiltzaileek Hernaniko kiroldegira. Bestalde, gimnasioko ordutegia ere zabalduko da 22:00ak arte, eta igerilekukoa 21:00ak arte. Gimnasioa deskongestionatzeko helburuz, ariketa kardiobaskularra egiteko makinaz egokitutako gela bat dago eta bertan ere, 22:00ak arte erabili daitezke. Kiroldegiko ikastaroak ostiralean hasi ziren, baina oraindik badaude plazak zenbait ikastarotan. Bertan parte hartu nahi dutenek izen ematea zabalik dute.