Ez da kasualitatea, izenburuak zioen bezalaxe, asteazkenean, Hitz Andanako lehenengo emanaldiko protagonistak emakumeak izatea. Bertso-saio musikatua izan zen Biterin, eta oholtza gainera igo ziren, bertsotara, Nerea Ibarzabal, Uxue Alberdi, Onintza Enbeita eta Ane Labaka; gai-jartzaile lanetan, berriz, Amaia Agirre aritu zen. Beraiekin aritu ziren, baita ere, Ixak Arruti gitarrarekin eta Gari Otamendi biolinarekin.