HERNANI INDEPENDENTZIA EGUNA
Gaur, urriaren 2a, independentzia eguna da. Horren harira, egun osorako egitaraua antolatu dute Ernaik, Sortuk eta LAB sindikatuak. «Independentziaren aldarriak berriro ere kalean indarra har dezan», goizetik hasita gauera arte, zeregina izango da herrian.
Hitzaldiak irekiko du gaurko egitaraua, Milagrosan
Goizeko 11:00etan ekingo diote plangintzari. Lehenengo txanda Independentzia ipar, estatu propioa zertarako? hitzaldia izango da, Milagrosan. Bertan izango dira hizlari lanetan Eneko Compains, Iratxe Delgado eta Igor Arroyo. Ondoren, 14:00etan, herri bazkaria egingo dute, Tilosetan.
Bazkalostean, arratsaldeko 16:00etan, Andoni Ollokiegi igoko da oholtza gainera. Egunari doinua jartzeko asmotan, gitarraren laguntzarekin, kantu ezagunak abestuko ditu. Jarraian, 18:00etan, manifestazioa izango da, Plazatik abiatuta; eta, manifestazioaren amaieran, ekitaldi politikoa ekingo dute Tilosetan.
Plangintza amaitzeko, kontzertuak izango dira Atsegindegin, 21:30etatik aurrera. Perlata eta Rotten XIII talde ezagunek emango diote amaiera independentzia egunari.
EGITARAUA 11:00 Hitzaldia: 'Independentzia ipar, estatu propioa zertarako'. Milagrosan. Hizlariak: Eneko Compains, Iratxe Delgado eta Igor Arroyo. 14:00 Herri bazkaria, Tilosetan. 16:00 Andoni Ollokiegiren kontzertua, Tiloetan. 18:00 Manifestazioa, Plazatik. 18:30 Ekitaldi politikoa, Tilosetan. 21:30 Kontzertuak: Perlata eta Rotten XII. |