Musika Eskolak antolatuta, Pirritx, Porrotx eta Marimotots izan ziren joan den larunbatean, Atsegindegin. Bi saio egin zituzten Amaren intxaurrak ikuskizuna aurkezteko, eta sekulako arrakasta izan zuen ekitaldiak. Denera, 800 bat herritar bildu ziren bi ikuskizunetan. Guztiek, haurrek zein gazteek, ederki gozatu zuten, eta txalo zaparrada artean agurtu zituzten pailazoak.