Urtero moduan, martxa hartu du dagoeneko Hernaniko Kaxko Elkarteak. Bi tailer mota antolatu dituzte: alde batetik, esperientzia tailerra, Erritmo naiz izenekoa; eta, beste alde batetik, Soinu magikoak.
Esperientzia tailerra, urriaren 5etik ekainaren 14ra bitartean eskainiko da, asteartetan. Goizeko 11:45etatik eguerdiko 13:00etara izango da. Biterin izango dira tailer hauek, eta doakoak dira. Beraz, apuntatzeko interesa izanez gero, deitu telefono honetara: 608 193 701, edo, bestela, idatzi info@musikanaiz.com helbide elektronikora. Antolatzaileek herritarrak animatu nahi izan dituzte; «bizitza musika da eta momentu bakoitzak bere abestia du; beraz, anima zaitez!».
Kaxko Elkarteak antolatutako beste tailerra musikako estimulazio goiztiarrean oinarrituta dago. 0tik 3 urte bitarteko haurrei zuzendutako tailerra da, eta asteartetan izango da, bi ordutegi hauetan: goizeko 11:00etatik 11:45etara eta bigarren zita, aldiz, 11:00etan hasiko da 11:45etara arte. Tailer horiek, urriaren 5etik ekainaren 14ra bitartean eskainiko dira, Biterin.
Hala ere, Soinu magikoak tailerrean edukiera kontrolatu egingo da eta 9 pertsonako taldea osatuko da, gehienez.
Tailer horretan parte hartzeko interesa izanez gero, deitu 608 139 701 telefonora edo idatzi donostia@musikanaiz.com helbide elektronikora.