Hernaniko Mertxe Etxeberria Aranburu hil da, 74 urterekin, gaixotasun larri baten ondorioz. Mertxe, Hernaniko lehen emakume alkatea izan zen, 1999tik 2003ra arteko legegintzaldian. Euskal Herritarroken eskutik heldu zen alkatetzara.
Mertxe Etxeberria alkate ohiak, Hernaniko Oroimen historikoan jardun zuen lanean buru-belarri, hain justu honakoa adierazi zuen Kronikak egindako elkarrizketa batean: «garai hartan zeozer garrantzitsua egiten ari ginela bagenekien, eta helburua zen han lurperatuta zeudenekin eta haien senideekin justizia egitea».
