Ostiralean jaitsiko du pertsiana, Urbieta kaleko Konde kioskoak. Duela 30 urte inguru ireki zuen Konde familiak, eta, hasieran, kondetarrek eraman zuten negozioa. Gero, ia 20 urtez, Poli aritu zen lanean eta, ondoren, Nagorek hartu zuen erreleboa.
Momentuz, esleipenik ez
Ibilbide luze horren ostean, etzi itxiko dute kioskoa, ostiralean, hain justu. Horren harira, Udalak jakinarazi duenez, momentuz, behintzat, «denbora faltagatik», ez da esleipen prozesurik martxan jarriko.
Edonola ere, ez da baztertzen aurrerago esleipena zabaltzea eta kioskoa hartzeko kontzesioa abian jartzea.