415 euro, Pausoka Elkartearentzat

Abuztuko azken asteburuan izan ziren Portuko jaiak. Segurtasun neurriak beteta, hainbat ekintza antolatu zituzten bi egunetarako, eta ederki gozatu zuten haurrek, gazteek zein helduek. Denetarik egiteko aukera izan zuten eta, egitarauaren barruan, Pausoka Elkarteari laguntza emateko asmotan, 415 euro bildu zituzten auzokoek. Eredugarria da elkartearen egitekoa, izan ere, behar bereziak dituzten seme-alaben gurasoek osatutako elkartea da eta terapiak emateaz gain, gurasoentzako eta familientzako laguntza sarea ere bada.