Udazken honetan, askotariko gaiak lantzeko aukera izango dute Urumea bailarako herritarrek emakumeentzako Jabetze Eskolan, besteak beste: emakumeen nortasuna eta subjektibitatea lantzeko, Mindfulnessa; komunikazioa lantzeko, jendaurrean aritzeko ikaspenak; kultura birdefinitze bidean berriz, batukada feminista; eta munduko emakumeen litatura. Horrez gain, indarkeria matxistari aurre egiteko, neska gazteentzako autodefentsa feminista; gorputzak astintzeko, gorputz kontzientziatik mugimendu askera eta lodifobiaz hausnartzeko tailerra. Eta amaitzeko, gune iraunkor bat: Emagunea, jatorri askotariko emakumeentzako kulturarteko gunea.
Guztira zazpi dira antolatu diren tailer edo ikastaroak, urritik aurrera egingo dira batzuk Jabetze Eskolan, eta ostegunean berriz Emaguneko hitzordua jarri dute. Horretarako, ibilbide eta esperientzia anitzeko irakasleak izango dira bertan, besteak beste, Ana Murcia Guevara (Sorburu), Maider Oiratzabal Ziganda, Clara Wolfram Perez, Nerea Redondo Otamendi, Arantxa Vicedo Rubio, Ainara Sarasketa Alberdi, Mertxe Tranche Iparragirre, Emagin Elkartea, Maddi Gutierrez Marroda eta Leire Murguialday (Espazio Lunarra).
Gaurtik dago aukera izena emateko, eta hainbat modu daude: Kulturarteko Plaza Feministara bertaratuz, inprimakia beteta, kulturartekoplazafeminista@hernani.eus helbidera idatzita, edo 943 33 70 17 telefonora deituta. Jabetze Eskolen ikastaroei, aipatu moduan, urrian emango zaie hasiera, baina gaurtik eman daiteke izena.
Jabetze Eskolaren nondik norakoak
Berdintasun Arloak azaldu du, Hernaniko Jabetze Eskola hausnarketarako eta formaziorako topagunea dela: «Emakumeok geure eskubideen jabe egiteko, gure bizitzetan autonomia eta konfiantza izateko eta beste emakumeekin sareak sortzeko espazioa da. Eskolaren helburua emakumeon jabetze edo ahalduntzeko prozesuan eragitea da. Hori lortzeko asmoz gure errealitatea ikuspegi feministatik aztertuko dugu eta berau aldatzeko tresnak eskuratuko ditugu. Jendarte justuago baterantz urratsak emango ditugu». Hau kontutan izanik, Berdintasun Arloak herriko emakume guztiak animatu nahi izan ditu antolatutako Jabetze Eskolan parte hartzera; «gerturatu ireki berri den Hernaniko Kulturarteko Plaza Feministara eta gure arteko sareak ehuntzen jarraituko dugu».
|
JABETZE ESKOLA
Eguna: Osteguna Datak: Urriak 21- abenduak 23 Orgutegia: 10:00-13:00 Lekua: Kulturarteko Plaza Matrikula: 15 euro Hizkuntza: Gaztelania
Komunikazioa: Nola aritu jendaurrean gustura sentituz Eguna: Astelehena Datak: Urriak 18- urriak 25 Orgutegia: 18:00-20:00 Lekua: Kulturarteko Plaza Matrikula: Doan Hizkuntza: Euskera
Eguna: Ostirala Datak: Urriak 1,15,29; azaroak 12 eta 16; abenduak 10 Orgutegia: 17:30-19:30 Lekua: Kulturarteko Plaza Matrikula: 12 euro Hizkuntza: Euskera Munduko emakumeen literatura Eguna: Osteguna urria-ekaina bitarte Datak: Urriak 7, azaroak 4, abenduak 2, urtarrilak 20, otsailak 10, martxoak 3, apirilak 21, maiatzak 12 eta ekainak 16 Orgutegia: 18:30-20:30 Lekua: Kulturarteko Plaza Matrikula: 18 euro Hizkuntza: Gaztelania Indarkeria matxista: AUtodefentsa feminista neska gazteentzat Eguna: Larunbata Datak: Abenduak 11 Orgutegia: 10:00-13:00/16:00-19:00 Lekua: Kulturarteko Plaza Matrikula: 7 euro Hizkuntza: Euskera
Goeputzak: Gorputz kontzientziatik mugimendu askera Eguna: Asteazkena Datak: Urriak 6, 12, 20 eta 27; azaroak 3, 10, 17 eta 14; eta abenduak 1 eta 15 Orgutegia: 18:30-13:00/20:00 Lekua: Kulturarteko Plaza Matrikula: 15 euro Hizkuntza: Euskera Lodifobiaz hausnartzen Eguna: Osteguna Datak: Azaroak 11 Orgutegia: 18:00-20:000 Lekua: Kulturarteko Plaza Matrikula: Doan Hizkuntza: Euskera Emagunea Eguna: Osteguna Hasiera eguna: irailak 23 Maiztasuna: 15 egunero Orgutegia: 16:30-18:30 Lekua: Kulturarteko Plaza |