Bueltan da Berriak Merkatari eta Ostalari elkarteak antolatutako Merkataritza Festa. Bihar, herriko Kaxkoa kolorezko globoz beteko da, eta herriko komertzioen postuek apainduko dute alde zaharra. Goizeko 09:00etan hasi, eta arratsaldeko 20:00ak arte egongo dira kalean.
Merkataritza Festa dela eta, aipatutako ordu horietan debekatuta egongo dira ibilgailuen zirkulazioa eta zamalanak, Kaxkoan barrena: Kale Nagusian, Andre Kalean eta Plaza Berrin. Zamalanak egiteko, Atzieta eta Izpizua kaleak erabili ahalko dira. Horri buruz zalantzarik izatekotan, Hernaniko Udaltzaingoan galdetzea gomendatu dute.
Herritarrek, berriz, Kaxkoan zehar izango dute aukera bihar, egun osoan zehar, postuak kalean bertan bisitatzeko.