Hiru partidurekin hasi zuten atzo, Tilos 7 Pasa txapelketaren hirugarren astea; eta gaur izango du segida, beste hirurekin. Zehazki, partidu bana jokatuko dute, torneoko hiru kategoriatan: lehenengo mailan, bigarrenean, eta nesken torneoan.
Arratsaldeko 18:00etan hasita, nesken partidua izango da aurrenekoa: Kerejeta eta Mazizior ariko dira, Mirenen eta Marinaren kontra. Ondoren, bigarren mailakoa jokatuko dute, 18:45ak aldera, eta Dani eta Ekhi ariko dira, Ruizen eta Urdanpilletaren kontra. Eta bukatzeko, 19:30ak aldera hasiko da lehenengo mailako partidua: aurrez aurre ariko dira Ansa eta Lujanbio, eta Iriarte eta Goñi.