Ekainean ezin izan zituzten jaiak ospatu, Osiñagako auzotarrek; baina ez du datorren urtera arte itxaron nahi izan Auzo Elkarteak, gozamenerako egun bat eskaintzeko. Eta asmo horrekin antolatu dute gaurkoa: festa eguna izango da, Iparragirre sagardotegian.
Horrela, hasteko, antzerkiaz gozatzeko aukera izango dute, Tomaxen abenturen eskutik, Adi, grabatzen, ekin! saioarekin. 11:30etan hasiko da, eta bukatzean, 12:30ak aldera, herri kirolek hartuko diote erreleboa. Aizkoran, bi bikote ariko dira elkarren kontra: Nerea Sorondo eta Jokin Urretabizkaia, batetik; eta Suharri Rodriguez Paolla eta Laiene Pikabea, bestetik.
Bazkaria egingo dute gero, eta Andoni Ollokiegi musikariak girotuko du bazkalostea.