Hiribusaren zerbitzu berria, gaurtik

Gaur jarriko dute martxan, Hernaniko Hiribusaren zerbitzu berria, eta lau linea izango ditu. 0 Linea izenekoak lau ibilbide izango ditu, lehengo bosten ordez, horietako bi oso antzekoak zirelako; eta horrek ahalbidetuko du, Zikuñagara luzatzea linea. 1 Linea, berriz, Elkano, Florida, Etxeberri, Sagastialde, Antziola eta Urbietatik pasako da, eta baita hiru toki berritatik ere: hilerria, Sandiusterri eta Lizeaga. 2 Linea Elkano, Karabel, Zikuñaga, Akarregi eta Atsegindegira iritsiko da, eta zenbait berritasun izango dira: Elizatxo auzora ere iritsiko da Hiribusa, Portuko geltokia Elizatxo ikastolaren ondora mugitu baitute; eta Elkanon bukatuko du bere ibilbidea 2 Lineak. Sagardotegietakoa izango da laugarren linea, eta horretan ez dago aldaketarik.