Donostiako Trinitate plazako txapelketa ari dira jokatzen Ekhi Oses eta Jon Jara hernaniarrak; eta finalean ariko dira biak, gaur, maila ezberdinetan. 16:00etan jokatuko du Osesek, infantiletan, Alde Zaharrako Unai Olaizolarekin batera, Olaizolaren eta Otaegiren kontra. Partidu parekatua espero da. Jarak, berriz, 17:30etan jokatuko du, jubeniletan, Arkaitz Eskuza arabarrarekin batera. Faborito izango dira, Olaizolaren eta Sorondoren kontra.