2008 eta 2009an jaiotakoek pala egiteko aukera izango dute kiroldegiko frontoian urrian hasita. Saioak, astelehen eta ostegunetan izango dira arratsaldez, 15:45etatik 16:45etara.
Ikastaroa urriaren 4tik ekainera arte iraungo du eta interesatuek hernanikopalistak@gmail.com helbidera idatzi behar dute.
Bestalde 18 urtetik gorako emakumeentzako aisialdi taldeak astelehenetan goizeko 10:00etan edo asteazkenetan 19:00etan izango dituzte saioak. Hauek ere urrian hasiko dira.
Tilos 7 pasako partiduak gaur
Gaur lau partidu jokatuko dira Tilos 7 Pasa txapelketan 18:00etatik aurrera. Bokata eta Gilek jokatuko dute Arandiaren eta Jauregiren kontra. Arratsaldeko bigarrenean, berriz, Legarretak eta Olazabalek aurrez aurre izango dituzte Noble eta Sanz, 18:45etan. Hirugarrenean, 19:30etan, Azpi eta Lasarte, Beloki-Eskuderoren aurka ariko dira. Eta, azkenik, 20:15etan, Esnaola eta Galartza, Murillo eta Berrioren kontra arituko dira.