Latsunbe Berri eta Marielutseko Iturritxo Elkarteak antolatuta, auzoko pistan arrakasta itzela izan zuten bi ikuskizun antolatu ziren. Ostiralean, Yijaaa! ikuskizun familiarra izan zen arratsaldean. Aforoa mugatua zen eta 100en bat pertsona inguru bildu ziren aulkien bueltan. Seme-alabek, gurasoekin ezin hobeto pasa zuten antzerki taldearen umorearekin.
Hurrengo egunean berriz, puzgarriak jarri zituzten haurrentzat auzoko pistan. Hugo eta Eusebiok goizean eta arratsaldean, lau orduz, haurren gozamenerako puzgarri ezberdinak jarri zituzten. Lau ordu horietan jende asko hurbildu zen bertara, gainera eguraldi ezin hobea egin zuen ongi pasatzeko aire librean. Datorren urteari begira Iturritxo Elkarteko kideek festak antolatzeko arazorik ez egotea espero dute eta auzotar guztientzat ekitaldiak antolatu nahi dituzte. Hori izango litzateke seinalerik onena normaltasun bidean.