Amherren lokalean bigarren eskuko doako azoka jarri zen ostiralean. Amherrek baliabideak berrerabiltzearen aldeko apustua egiten du, «bizi dugun kolapso ekologikoaren aurrean eman daitezkeen laguntzetako bat baita». Azoka hori beste batzuetan baino haundiagoa izan zen eta jende asko hurbildu zen laster aldatuko duten lokalera. «Une egokia iruditzen zaigu ikasturtea hasten den une honetan gehien urratutako ekonomietan laguntzeko. Herritar guztientzat zabalik egon zen, nahiz eta hurbildutako gehienak elkartekoak izan».