18 urtez azpiko mailarako nazioarteko txapelketa antolatu dute gaur eta bihar Landaren.
Gaur emango zaio hasiera txapelketa honi. Hala ere, El Salvador taldeak ezin izango du Hernanin egon azken orduko aldaketengatik eta Covid-19aren eraginez.
Ohorezko B Mailan eta 23 urtez azpiko maila nazionalean arituko diren taldeek gaur arratsaldean jokatuko dituzte motorrak berotzeko partiduak. Boucau Tarnos taldearen bisita jasoko dute bi taldeek. Gazteenek, arratsaldeko 16:00etan izango dute lehia Landaren eta nagusiak, berriz, arratsaldeko 17:30etan hasiko dira.
III. Melokotoi errugbi txapelketa
Emakumezkoen errugbiak ere izango du garrantzia gaurkoan. Izan ere, III. Melokotoi errugbi txapelketa antolatu da Zizurkilen eta bertan izango dira Hernaniko neskak. Goizeko 11:00etan emango zaio hasiera txapelketari, eta honako talde hauek hartuko dute parte: Hernani, La Unica RT, Biarritz Olympique eta Bera Bera RT.