Abuztuaren 30ean ligaxka itxi zen Ansa II urnietarraren eta Barrenetxea hernaniarraren aurkako norgehiagokarekin, eta gaurko finalaurrekoan Urumea bailarako bi pelotari hauek izango dira protagonista nagusiak. Arratsaldeko 15:15etan hasiko da jaialdia Galarretan, eta finalerdiari 16:30etan emango zaio hasiera.
Barrenetxea IV jadanik finalerdietarako sailkatua zegoen, eta Ansa II.ak 17 tanto egin behar zituen gaurko finalerdia jokatzeko, eta helburuak argi bete zituen. Hau horrela, Ansak II.k bigarren amaitu zuen, sailkapenean, zortzi punturekin. Urriza 12 punturekin finalerako sailkatu da zuzenean, eta lehenengo postuan doa. Ansa II.aren atzetik berriz, Barrenetxea sailkatu zen, 6 punturekin. Eta sailkapeneko azkena Juanenea doa, hiru puntu lortuta.
Final haundia, datorren asteburuan
Gaurko finalaurrekoa aipatu moduan, Ansa II eta Barrenetxea IV.ren artekoa izango da, eta final haundia datorren asteburuan jokatuko da, hilaren 11n. Beraz gaurko partiduan erabakiko da zein erremontistak jokatuko duen final haundia, Urrizaren aurka.