Udazkena iragartzeko asmotan, prest dago jada iraileko kultur agenda; milaka ekintza, emanaldi eta ikuskizunez josita dator gainera. Pasa den asteburuan eman zitzaion amaiera Uda Hernanin 2021 programazioari, eta Hernaniko kultura sailak, balorazio positiboa atera du honakoa gaineratuz: «guztira 7 zuzeneko emanaldi eskaini dira, eta ikus entzuleen erantzuna bikaina izan da, guztira 1.240 lagunek eskuratu zuten gonbidapena eta hurbildu ziren emanaldietara. Kasu guztietan gonbidapenak agortu egin dira».
Amaiera arrakastatsu honekin, iraileko kultur agendari emango zaio ongi etorria. Izan ere, udako programazioaren amaierarekin, Euskal Jaien txanda izan ohi da, baina Euskal Jaien batzordeak erabaki du ohiko egitaraua aurrera eramateko baldintzarik ez dagoela. Hala ere aspertzeko tarterik ez dute izango herritarrek, izan ere, ekintza mordoa egingo dira hilabete osoan zehar.
Milaka emanaldi, irailerako
Kalakan kontzertuaz gozatzeko aukera paregabea izango dute hernaniarrek, hilaren 17an. Artizar izeneko azken diskoa aurkeztuko du taldeak Atsegindegin, 20:00etan hasita. Horrez gain, etxeko txikiek Euskal Herrian hain maiteak diren pailazoen irriez gozatzeko aukera izango dute, irailaren 25ean, Pirritx, Porrotx eta Marimototxen bisitarekin. Atsegindegin izango da, arratsaldeko 16:30etan eta sarrerak hemen lortu daitezke: katxiporreta.eus.
Emanaldiez gain, erakusketa bat ere eskainiko da etzitik aurrera. Aitor Ruiz de Eginoren Marra Okerrak izeneko lana jarriko da ikusgai, Biterin.
Iraileko kultur jardueretako gonbidapenak bi modutara lortu daitezke; alde batetik, Biterira bertaratuz, eta beste aldetik kultura.hernani.eus webgunean eskuratuz.
IRAILEKO KULTUR AGENDAHERNANI IRAILAK 6-17 09:00-13:00 16:00-20:00 Biteri kultur etxeko ikastaroetan matrikulazioa egiteko epearen hasiera. IRAILAK 6-20 Haurrentzako tailerrak auzoetan. Izena emateko epea zabalik. IRAILAK 11 Bigarren eskuko azoka IRAILAK 17 20:00 Kalakan taldearen kontzertua. Atsegindegi. Sarrera librea, gonbidapenarekin. Sarrerak etzitik aurrera lortu daitezke. IRAILAK 17 22:00 Leokako emanaldia. Erradilkalak ginen. Bertsoak eta bakarrizketak: Ane Labaka eta Beatriz Egizabal. Leokako labaderoan. IRAILAK 18 12:00 Herri kirolen erakustaldia. Atesgindegin. Edukiera mugatua. IRAILAK 18 19:00 Bertsoak: Balkoitik balkoira bertsotan. Biterin. Edukiera Mugatua. IRAILAK 18 19:00 Musika bandaren kontzertua, Gay Mur eskolako patioan. Edukiera mugatua. IRAILAK 18 22:00 Kontzertua: Ruper Ordorika. Ereñotzuko frontoian. Edukiera mugatua. IRAILAK 19 DIANA Hernaniko Txistulari Bandarekin. IRAILAK 19 12:00 Trikitixa Txapelketa. Atsegindegin. Edukiera mugatua. IRAILAK 19 16:30 Pelota partiduak, eskuz eta palaz. Kiroldegiko frontoian. IRAILAK 19 19:00 DANTZA. GenEroa. Atsegindegin. Sarrera librea, gonbidapenarekin. Etzitik aurrera lortu daitezke gonbidapenak. IRAILAK 24 20:30 AFARI MARIDATUA. Euskal sagardoa eta bertako produktuak Lurra Cafen, Fede Pacha & Co-k prestatuta eta Mikel Garaizabal sumillerrak gidatua. Chillida Lekun. Edukiera mugatua. IRAILAK 25 16:30 Pirritx, Porrotx eta Marimototxen emanaldia. Atsegidegin. Edukiera mugatua. Sarrerak: katxiporreta.eusen edo Hernaniko Musika Eskolan. IRAILAK 29 19:00 HITZ ANDA. Ez da kasualitatea, bertso musikatuak. Biterin. Bertsolariak: Nerea Ibarzabala, Uxue Alberdi, Onintza Enbeitia eta Ane Labaka. Gai-jartzailea: Amaia Agirre. Sarrera librea, gonbidapenarekin. Irailak 17tik aurrera jarriko dira salgai. IRAILAK 30 19:00 HITZ ANDA. Esaten dugun argia, poesia eta musika. Karlos Linazarosro eta Joxan Goikoetxea. Biterin. Sarrera librea, gonbidapenarekin. Irailaren 17tik aurrera jarriko dira salgai. ERAKUSKETAK IRAILAK 6TIK 30ERA 17:30-20:00 MARRA OKERRAK. Aitor Ruiz de Egino. Biterin. Bisita gidatuak irailak 11 eta 18. Goizeko 11:00etan. Edukiera mugatua. |
Antzerki, tailer, hitzaldi eta emanaldiekin beteko da udazkeneko kultur agenda
Motorrak berotuta, prest daude astigartarrak udako kultur agendatik, udazkeneko agendara igarotzeko. Horrez gain, Erriberan antolatu diren emanaldietan edukiera mugatua izango da eta segurtasun neurriak erabili beharko dira.
Uda agurtzeko asmoarekin, udazkenari modu ederrean emango zaio ongi etorria Astigarragan. Hamaika ekintza antolatu dira irailerako, Kirola eta emakumea lelopean izango dira horietako asko eta adin tarte guztietarako pentsatuak daude. Atzo egin zen lehen ekintza, Erriberako antzokian. Aiztondo abesbatzak ikasturte hasierako entsegua antolatu zuen, eta herritar ugari bertaratu ziren haiekin batera abestera.
Datorren astean, Hika Teatroaren Tarara antzezlana barrutik ezagutzeko tartea izango dute astigartarrek. Erriberan izango da, arratsaldeko 19:00etan hasita. Bertan proiektua aurkeztu eta Tarararen inguruko komunitatea osatu nahi da. Parte hartzaileek, sorkuntza prozesu eta antzezleen lana bertatik bertara ezagutzeko aukera izango dute: «udazkenean zehar izango diren entsegu batzuetan egon eta abenduan Tarara antzezlanaren entsegu orokorrerako gonbidapena ere jasoko dute», azaldu dute antolatzaileek.
Erakusketak, tailerrak eta hitzaldiak
Emakumeak eta kirola uztartzen dituen erakusketa hilaren 10ean hasiko da. Arratsaldeko 18:00etan zabalduko da eta irailaren 30era bitartean iraungo du. Goizez zein arratsaldez bertaratu daiteke, ordutegi honetan: 09:00-13:00 eta 16:00-20:00. Herri eskolako ikasleak erakusketara hurbildu eta bertan Astigarragako Oihana Blanco eta Olatz Alkorta kirolari profesionalekin elkarrizketa eskainiko da.
Familia giroan igarotzeko tartea ere izango dute astigartarrek, Sagardoetxeak antolatutako tailerrekin, hilaren 15, 22 eta 29an izango dira tailerrak eta 10 euro ordaindu beharko dira familiako. Parte hartu nahi izanez gero, aldez aurretik erreserba egitea beharrezkoa da, sagardoetxea.eus helbidera idatzita edo 943 55 05 75 telefonora deituta.
Irailerako, hitzaldiak eta solasaldiak ez dira faltako, izan ere, hilaren 16an, Kirola eta amatasuna hitzaldia eskainiko du Leire Olabarria txirrindulariak, Erriberan arratsaldeko 18:30etan hasita. Eta irailaren 23an, Patri Espinarren esperientziak kirol munduan solasaldia antolatu da. Gaztelekuan izango da, arratsaldeko 18:30etan hasita, eta Patri Espinar bertan izango da.
Edukiera mugatua
Antolatu diren emanaldi, ekintza zein hitzaldietan edukiera mugatua ezarri dute, batik bat Erriberan egingo direnetan; «Ezingo da musukoa kendu, sarrera eta irteeretan gezien norabidea jarraitu behar da, eta pertsonen arteko distantziak ere errespetatu egin behar dira».
EGITARAUAASTIGARRAGA
19:00 Antzerkia barrutik: Tarara antzezlanaren entseguak hasiko dira. Erriberan kulturgunean. IRAILAK 10 19:00 Dokumentala: Emen eman harri: Emarri. Erribera kulturgunean. Sarrera doakoa. IRAILAK 10ETIK 30ERA 09:00-13:00 16:00-20:00 Emakumeak eta kirola erakusketa. Erribera kulturgunean. IRAILAK 15, 22 ETA 29 17:00-20:00 Tailerrak familian: Irailaren 15ean, Etxeko Sagardoa tailerra eta Sagar Muztioa tailerra Egoitz Zapiainen eskutik. Irailaren 22an, Sagar dultzea tailerra, Josu Osaren eskutik. Azkenik, hilaren 29an, Sagar deshidratatua. Parte hartzeko aldez aurretik izena eman: sagardoetxea.eus edo 943 55 05 75 telefonora deituta. IRAILAK 16 18:30 Kirola eta maitasuna hitzaldia, Leire Olabarria txirrindulariak. Erribera kulturgunean. Kirola eta Emakumea egitasmoaren baitako ekintza. IRAILAK 17 17:00-19:00 Solasgunea: Ziklikoki bizitzen: Emakumeon gorputzak eta hilerokoa. Emakumeon etxean. Izen ematea: emakumeonetxea.astigarraga@gmail.com helbidera idatzita, edo 648 417 157 telefonora deituta. «Hilerokoaren prozesuaren ezaugarriak, odola baino haratago, ziklo osoa eta faseak, autobehaketarako tresna praktikoa». IRAILAK 23 18:00 Musika: Violeta 2021 kontzertua. Erribera kulturgunean. IRAILAK 23 18:30 Solasaldia: Patri Espinarren esperientziak kirol munduan. Gaztelekuan. Solasaldia Kirola eta Emakumeak egitasmoaren barneko jarduera da. IRAILAK 25 Sagardoetxean ospakizuna 10:30 Sagardogintzako tresnen erakusketa, Astigarragako Kaleetan zehar. 11:00-14:00 Sagardoetxearen ospakizunean parte hartzeko, aldez aurretik izena ematea beharrezkoa da, sagardoetxea.eus helbidean apuntatuz edo 943 55 05 75 telefonora deituta. IRAILAK 25 12:00 Inaugurazioa. Emakumeon etxearen inaugurazioa. Kale Nagusia 23n. Klown ikuskzuna, batukada feminista eta Astigarragako Zulo musika taldearen emanaldia. Izena emateko: emakumeonetxea.astigarraga@gmail.com edo deitu 648 417 157 telefonora. IRAILAK 30 19:00 Dokumentala. Cholitas. Erribera kulturgunean. Gaztelaniaz izango da. Doakoa da. IRAILAK 16-22 Mugikortasun astea. Hainbat ekintza antolatuko dira zaindu osasuna, mugi zaitez modu jasangarrian lelopean. KIROLA ETA EMAKUMEA IRAILAK 4 12:00 Emakumezkoen futbol partidua. Astigarraga-Oiartzun senior taldeen artean. Zarkumendegin.
IRAILAK 18 11:00 Emakumezkoen saskibaloi partidua. Mundarro Zast Zarautz senior taldeen artean. 15:00 Emakumezkoen herrien arteko eskubaloi txapelketa. Kirolegian, biak. IRAILAK 24 18:00 Saio irekiak. Kiroldegian. Lilatoia prestatzeko entrenamendua. 19:00 Zumba. Izen ematea irailaren 20tik 22ra kiroldegian, edo kiroldegia@astigarraga.eus helbidera idatziz. IRAILAK 25 17:00 Emakumezkoen pala partiduak: Olatz Zulaika eta Irati Saez-Amaia Lopez eta Ane Villanueva. Tomiñenea pilotalekuan.
Udazkeneko kultur agenda osoa ikusgai: Astigarraga.eusen |
