Astelehenean ekin zioten aurtengo Tilos 7 Pasa pala txapelketari. Denera, 56 bikotek parte hartuko dute aurtengoan, 4 mailatan sailkatuta: lehenengo maila, bigarrena, herrikoia eta neskena.
Ligaxkan, 62 partidu jokatuko dira 4 astetan, astelehenetik ostegunera bitartean. Eta erritmo hori hartuta, astelehenean, hilaren 6an, emango diote jarraipena. Lehenengo norgehiagoka 18:45etan hasiko da; Agirrek eta Manterolak jokatuko dute Pauloren eta Xubanen kontra. Arratsaldeko bigarrenean, berriz, Lizeagak eta Gurutzeagak aurrez aurre izango dituzte Iurramendi eta Iurramendi, 19:30etan. Eta, azkenik, 20:15etan, Tapiz eta Arriola Juareztarren kontra arituko dira.
Asteartean, asteazkenean eta ostegunean ere izango dira partiduak. Astelehenean ez bezala, lau norgehiagoka ikusi ahal izango dituzte Tilosetara bertaratzen direnek. Lehenengoa 18:00etan hasiko da eta arratsaldeko azkena, aldiz, 20:15etan.
Partidu biziak izan dira orain artekoak, eta jende ugari bertaratu da txapelketa ikustera. Herenegun, Muñoak eta Otxandok 22-17 irabazi zieten Telejedorri eta Urdalletari. Erdoziatarrek, aldiz, 22-14 galdu zuten Cisneros eta Elosegiren aurka. Lujanbiok eta Zabalegik 22-18ko markagailuarekin garaitu zituzten Amondarain eta Lujanbio. Eta, azkeneko lehian, Izquierdok eta Aizkorretak 22-20 irabazi zuten Dani eta Ekhiren aurka.