Ikasturtea hastearekin batera, plangintza zabala aurkeztu du KZ Guneak. Denera, 11 ikastaro prestatu dituzte, eta guztiak hilabete honetan izango dira. Gainera, hainbat modalitatetan landuko dituzte guztiak; zehazki, aurrez aurrekoak, urrunekoak, edota konferentzia bidezkoak izango dira. Beraz, norberak nahi duen modura aukeratu ahal izango du eskolak jasotzeko modua.
Denetarik landuko dute ikastaro hauetan. Besteak beste, enplegu-bilaketa, komunikazioa, oinarrizko formakuntza, irudia eta bideoa, aisia eta entretenimendua, ofimatika, produktibitatea, programazioa eta garapena, sare sozialak, segurtasuna eta e-Administrazioa.
Izena eman behar da, aldez aurretik
Ikastaroetan parte hartzeko, beharrezkoa da aldez aurretik izena ematea. Horretarako, hainbat bide daude. Batetik, KZGunera bertaratuta, aldez aurretik hitzordua eskatuta 943 023 650 telefono zenbakian. Astelehenetik ostiralera bitartean dago irekia, Nafar kaleko 18 zenbakian, 09:00etatik 13:00etara eta 16:00etatik 20:00etara. Bestetik, telefonoz ere eman daiteke izena: 943 023 650. Eta, azkenik, KZ Guneko webgunean ere egin daiteke izenematea: www.kzgunea.eus. Azken bi kasuetarako, nahitaezkoa da KZ Guneko erabiltzailea izatea.
Horrekin batera, KZ Gunean edo ikastaroetan izena emateko laguntza behar dutenek, bideotutorialak kontsulta ditzakete KZguneaTic YouTubeko kanalean. Era berean, informazio gehiago nahi dutenek, https://www.kzgunea.eus/eu/ikastaroak estekan kontsulta dezakete ikastaroen zerrenda.