Azken astea dute herriko tabernariek, aurtengo Bakailao Astean izena emateko

«Momentuko egoerak ahalbidetzen badu», Bakailao Astea izango da aurten, urriaren 4tik 17ra bitartean. Ekintza guztiak egitea ezinezkoa izango den arren, Tabernen Arteko Bakailao Pintxo Lehiaketa ziurtatuta egongo da. Antolatzaileek deialdia luzatu diete herriko tabernei, lehiaketan parte hartzera animatzeko. Datorren asteartea dute horretarako azken eguna, irailaren 7a. Izena emateko, hainbat bide daude: turismo informazio puntura bertaratuta; telefonoz 943 33 70 28 zenbakian; edo, turismoa@hernani.eus. Bazkideek, Berriak Elkartera deitu dezakete izena emateko: 943 33 20 49.