Gaur hasiko da aurtengo Tilos 7 Pasa pala txapelketa. Arratsaldeko 18:00etan emango diote hasiera urteroko txapelketa berezi honi, Agirre eta Manterola eta Oiaga eta Zubeldia bikoteen arteko partiduarekin. Amaitzean, beste bi izango dira: Lizeagak eta Gurutzeagak Letamendiaren eta Etxeberriaren aurka neurtuko dituzte indarrak, 18:45etatik aurrera; eta, azkenik, Landerrek eta Bingenek Xikerren eta Aritzen kontra jokatuko dute, 19:30etan.
Bihar, berriz, abuztuko azken egunean, beste hiru norgehiagoka izango dira. Kerejetak eta Maziziorrek irekiko dute jardunaldia, Urien eta Antsotegiren aurka, 18:00etan. Jarraian, 18:45etan, Legarreta eta Olazabal Larretxearen eta Garmendiaren aurka arituko dira. Eta, eguna amaitzeko, 19:30etan, Azpik eta Lasartek aurrez aurre izango dituzte Ezkerra eta Urdangarin.
Datorren astean, bi jardunaldi
Astero, bi egunez jokatuko dira partiduak. Hori horrela, hurrengo bi jardunaldiak irailaren 6an eta 7an izango dira.