Aurtengo jaiak ez dira betikoak izango. Izan ere, ezinezkoa izan da urteroko ekintzak antolatzea. Hala ere, auzotar guztientzat jarduera ugari prestatu dituzte bi egunetarako. Atzo eman zioten hasiera egitarauari, goizeko 10:00etan, marrazki lehiaketarekin. Eta erritmoa hartuta, goizean, eguerdian zein arratsaldean ondo pasatzeko eta entretenitzeko aukera izan zuten Portukoek. Denetarik izan zuten: haurrentzako jolasak, loreontzi lehiaketa, puzgarriak, sardina jatea, bingo solidarioa edota magia ikuskizuna.
Gaurkoan, tiro karabinak irekiko du egitaraua, goizeko 11:00etan. Ondoren, zinta karrera, eskulanak, pailazoak, musika eta beste asko izango dira, egun osoan zehar.
