Abuztua amaitzera doa, eta horrekin batera udari agur esateko garaia heldu da, eta nola hobeto Portuko Jaietan ospatzea baino. Gaurtik bihar arte, makina bat ekintza antolatu dira Portu auzoan festak ezin hobe igarotzeko.
Gaur goizean, auzoko txikiek hartuko dute estreinakoz lekukoa. Izan ere, urteroko marrazki lehiaketa egingo da, goizeko 10:00etan hasita, auzoko plazan. Jarraian, puzgarriak jarriko dituzte.
Txapeteri lore eskaintza ere egingo diote gaur, goizeko 11:45etan, eta hau amaitu ostean, jaiei hasiera ofiziala emango zaie, herriko txistulariekin.
Arratsaldean berriro ere etxeko txikientzat puzgarriak jarriko dira, 16:00etan hain justu. Ordu bete beranduago haur jolasak egingo dira eta urteroko ohiturari eutsiz, lorontzi lehiaketa ere antolatu da.
19:30ak aldera, mahaietan bilduko dira portuko auzotarrak, sardina jatea ospatuz. Gau aldera bingo solidarioan parte hartzeko aukera egongo da, eta gaurko azken emanaldia, Andoni Magoarena izango da, 22:00etan hasita, auzoko plazan. Azken hiru ekintzetarako tiketak amaituta daude jadanik.
Bihar, jaien amaiera
Ostirala alde batera utzita, bihar Portuko Jaiek jarraipena izango dute goizetik hasita. Izan ere, tiro karabina antolatu dute goizeko 11:00etan. Ordu eta erdi beranduago, zinta karrera egingo da, eta arratsalderako tailer bat prestatu dute auzotarrek, bertaratzen direnentzat.
Arratsaldeko 18:00etan, sudur gorria duten pailazo barregarriez gozatzeko aukera izango dute haurrek. Jarraian, toka eta bote txapelketa ere antolatu da. Gaueko 21:00etan berriz, musikaz gozatzeko parada ere izango dute auzoko helduek. Eta azkenik, gaueko 23:00etan, festei amaiera emango zaie.
GAUR
-10:00 Marrazki lehiaketa
-11:00 Puzgarriak
-11:30 Txapeteri lore eskaintza
-12:00 Jaien hasiera txitulariekin
-16:00 Puzgarriak
-17:00 Haur jolasak
-18:00 Lorontzi lehiaketa
-19:30 Sardin jatea (edukiera mugatua)
-21:00 Bingo solidarioa (edukiera mugatua)
-22:00 Andoni magoa (edukiera mugatua)
BIHAR
-11:00 Tiro karabina
-12:30 Zinta karrera
-16:00 Eskulan tailerra (edukiera mugatua)
-18:00 Pailazoak (edukiera mugatuarekin)
-18:30 'Toka eta bote' txapelketa
-21:00 Musika: Arbasoak (edukiera mugatuarekin)
-23:00 Jaien bukaera
OHARRA: edukiera mugatua duten ekitaldien tiketak agortuta daude jadanik.