Herenegun, Altxa Txapela telebista saioan, mermeladak izan ziren protagonistak. Joseba Arguiñanok lau mermelada ekoizle hartu zituen merkatuan, eta horietako bat izan zen OnEin kotserbetako Begoñarena. Saioan, ordea, bere alabak ordezkatu zuen, Aitziber Errazkinek. Guztien artean, Martindegikoa izendatu zuten mermelada onena.
«Nire ustean, produktuan arriskatu duenak ibili dira hobekien», aipatu zuen Arguiñanok. «Alde batetik, zure kalabazinarena eta limoairena mundiala izan da», esan zion Jon Lezama Laneko Koopeko ordezkariari. «Baina horren parekoa, zure laranja eta jengibreduna izan da», jarraitu zuen aurkezleak, Aitziberri zuzenduta. «Behin hori esanda, gaurko Altxa Txapela saioko irabazlea OnEin kontserbetako mermelada da. Zorionak, Aitziber!».
Artisauei keinua, Aitziberrek
Martindegikoa eskertuta agertu zen ohorezko txapela janztean. «Eskerrik asko guztiagatik, oso harro sentitzen naiz, Txapela ez da nirea, nirea amarena da; hau berarengatik egin dut. Gainera, bere produktua hemen babestu izanak poztasun haundia ematen dit. Hala ere, esandakoa, hemen denak gara irabazleak. Denak gara artisauak, milesker guztioi!», esan zuen Aitziberrek.