Udako programazioarekin jarraitzen du Hernanik, eta gaurkoan Ainara Ortega izango da eguneko protagonista nagusia. Izan ere, bere azken lana aurkeztuko die herritarrei, Atsegindegin arratsaldeko 20:00etan hasita. Kontzertuko antolatzaileek azaldu dute jada sarrerak agortu direla.
«Emanaldi goxoa gaurkoa»
Ainara Ortegak dio, gaurko emanaldia «goxoa» izango dela; nire herrian abestuko dut eta horrek beti egiten dit ilusio berezi bat egia esan».
«Barru-barrutik ateratako abestiak»
Ainarak, barru-barrutik ateratako kantuak aurkeztuko ditu. Gainera, bigarren disko hau plazaratzeko, Lesakako Onin ibaia jarri zuen erdigunean; eta bere bikotekidea zenari eskaini zion lana, Lander Arriola lesakarrari, Incansables Txarangako tronboijoleari. Hain justu, Lander zendu eta handik gutxira idatzi zituen diskoko abesti guztiak.
Beraz gogoratu gaur arratsaldeko 20:00etan, herritarrek zita dutela Ainara Ortega musikariarekin; «Onin diska berriko abestiez gozatzeko aukera izango dute herritarrek». Horrez gain, momentuko segurtasun neurri guztiak beteko direla ere aipatu dute antolatzaileek, eta musukoaren erabilera derrigorrezkoa dela ere jakinarazi dute.