Kronikan behin baina gehiagotan aipatu moduan, abuztuaren 3an hasi zen Hernani Errotzenek antolatutako Loraldia izeneko erakusketa, eta abuztuaren 27ra arte egongo da ikusgai Biterin. Nafar errenazimentua Euskal Herrian gaia lantzen duen erakusketa hau, «berritzaile bezain interesgarria» dela azaldu dute antolatzaileek. Egunero dago aukera bertaratzeko goizeko 09:00etatik eguerdiko 14:00etara, eta arratsaldeko 16:30etatik 20:00etara.