Hileta bat izan zuten aurreko igandean, Goizuetako eskolako patioan; eta beste horrenbeste egin zuten herenegun Hernanin, Atsegindegin. Eta Tio Teronen Semeak taldearena xelebrea eta umoretsua izan bazen, ez zen serioagoa izan Che y Moche antzerki konpainiarena, El funeral ikuskizunean. Dimitri aitonaren hileta egin zuten bertan, eta nahikoa izan zen aitona nor zen eta protagonistak nondik zetozen aurkeztea, ikusleen aurreneko barre algarak eragiteko. Umoreari zuzeneko musika fina gehituta, Atsegindegi bete eta herritarrak gozarazi zituzten lau protagonista xelebreek.