Eraso bat izan zen ostegun gauean, Hernaniko Montebideo kalean. Ertzaintzak jakinarazi duenez, gizonezko bat jipoitu zuten beste lau gizonezkok, eta telefono mugikorra lapurtu zioten.
Ustezko erasotzaileetako bat handik gertu topatu zuten erasoaren ondoren, eta atxilotu egin zuen Ertzaintzak. Erasotua, berriz, ospitalera eraman zuten zaurituta, kolpeen eraginez.
Gaueko 22:45ak aldera izan zen erasoa. Inguruko bizilagunen bost telefono dei jaso zituzten, Hernaniko Udaltzaingoak eta Ertzaintzak, gizon bat bortizki erasotu zutela esanez; eta erasoaren tokira bertaratu ziren.