Sandiusterrira gerturatu ziren Hernaniko Txistulariak, Madalen egunez, uztailaren 22an. Eta adinekoen egoitzaren atarian, ordu erdi luzeko emanaldia eskaini zieten bertako bizilagunei, eguna txistu doinu atseginekin alaitzeko.
Ez zen nolanahikoa izan, ordea, txistulariek jaso zuten esker ona: txaloak ez ezik, irrintziak ere eskaini zizkieten, txistu doinuei erantzunez.