Dantza emanaldi berezia eskaini zuen Bilaka kolektibo baionarrak, uztailaren 24an, Atsegindegin. Euskal dantzaren sustraiak eta egungo adierazpen abangoardistak uztartuta, bi ikuskizun plazaratu zituen: Distantzian eta Besaide. Ohiko dantza moldeetatik kanpokoak izan ziren biak, eta ikusmina sortu zuten. Izan ere, dozenaka herritar elkartu ziren, aulkiekin borobil bat osatuta, dantzaleku inprobisatuaren bueltan.
