Donostiako Klasikoak Hernaniko kaleak zeharkatuko ditu gaur eta trafikoan eragina izango du, bereziki Latsunbe kalean. Kale hasierako aparkalekuak libre utzi beharko dira, Sorgintxulotik datozen txirrindularien segurtasunerako. Emakumezkoen lasterketa goizeko 10:45ak aldera pasako da, eta goizeko 10:00etan ibilbideko sarrera guztiak moztuta geratuko dira. Gizonezkoena, aldiz, 14:50etan sartuko da Hernanin, eta 14:00etan moztuko dituzte ibilbideko sarrera guztiak. Gizonezkoen lasterketa pasa orduko, Latsunbe kalean aldatu edo libre utzitako aparkalekuak ohiko zentzura itzuliko dira, eta trafikoa normaltasunera itzuliko da.