Santio Txapelketa ari dira jokatzen hiru esku pelotari hernaniar, Villabonan, jubenilen mailan; eta semifinalak izango dituzte gaur arratsaldean. 18:30etan izango dira, Villabonako frontoian.
Aurreneko semifinalean, Xabier Apaolazak eta Anartz Oiartzabalek jokatuko dute, Behar Zanako Olasagastiren eta Iraolaren kontra. Partidu lehiatua eta berdindua espero da. Eta bigarrenean, Jon Jara ariko da, Gaztelekuko Belokirekin batera, Alde Zaharrako Olaizolaren eta Sorondoren kontra. Kasu horretan, hernaniarra eta andoaindarra dira faborito, finalera sailkatzeko.