Egungo egoeran kontzertu guztiak badira bereziak, are bereziagoa izan zen Hernaniko Musika Bandak larunbatean eskaini zuena, Atsegindegin: Severino Vazquezen azkeneko emanaldia izan zen, 60 urte baino gehiagotan bandako kide izan ondoren. Eta musikarekin ez ezik, plaza bete zuten herritarren txaloekin jantzi zuten Vazquezen azkeneko saioa. Agur jendetsua eman zioten Musika Bandak eta herritarrek.