Harrotzen talde feminista sortu berri dute Hernanin, eta jendaurrean aurkezteko, hitzordua jarri dute ostiral honetarako. Tilosetako eskaileretan egingo dute aurkezpen ekitaldia, arratsaldeko 19:00etan hasita.
Etzidamu emango dituzte xehetasunak, baina taldearen aurrerapen bat egin du Harrotzenek, nor diren aditzera emanez: «Neskak* gara! Feministak eta gazteak. Zapalkuntza ugarik zeharkatzen dituzte gure gorputzak... Baina indarra ere bagara. Errebeldia gara, erritmo bizia gara. Kritika eta borrokarako grina gara. Aurrera goaz, aurrera pausoka. Bidean egingo gara, bideak egingo gaitu!», diote.
Twitter sare sozialean badauka presentzia Harrotzenek, dagoeneko, Harrotzen Gazte Feministak izenarekin. Bertan, nabarmendu dute «Hernani feministago bat» lortzera datozela: «hainbat behar eta kezkak bultzatuta batu gara, eta Harrotzen sarea sortu dugu, Hernaniko neska* gazte batzuen artean». Taldearen logoa ere zabaldu dute bertan; ondoko irudian ikusi daitekeena, hain justu.