Deskarga-Erauskin kadeteek eta Jara-Etxarri jubenilek Papelera Zikuñaga Txapelketan finalerdietarako txartela lortu dute. Asteburuan jokatutako final laurdenetan bi partiduak irabazi zituzten hernaniarrek. Jara eta Etxarrik, jubenil 2garren mailan, 18-15 gainditu zituzten Sasiain eta Ibarluzea (Abantzu) partidu ikusgarri eta berdindu batean. Kadeteen lehenengo mailan lan errazagoa izan zuten Deskarga eta Erauskinen eta 18-3 irabazi zuten Ilunpeko, Lizaso eta Larrañagaren kontra.