Hernaniko pelotariak txapelketa pribatu ezberdinak ari dira jokatzen eta Papelera Zikuñaga Txapelketan, kadeteen lehenengo mailan, pasa den astezkenean, Manterola eta Urdanpilleta finalerdietara sailkatu ziren, Martin-Alegria taldekideei 6-18 irabazi ondoren.
Atzo, Hernaniko frontoian beste lau partidu jokatu ziren eta gaur bost partidu gehiago jokatuko dira. Goizean, 11:00etan hasita hiru daude iragarrita eta arratsaldean, 16:30etan hasita beste bi izango dira.
Kadeteetan, Deskarga eta Erauskinek Ilunpeko Lizaso eta Larrañagaren aurka jokatuko dute arratsaldean.
Jubeniletan, goizean, Jon Jara-Unai Etxarri, Sasiain-Ibarloza (Abantzu) bikotearen aurka arituko dira. Hernaniarrek irabazten badute finalerdiak jokatzeko sailkatuko dira.
Villabonako Txapelketan, Xabier Apaolaza eta Anartz Oiartzabal jubenilak, Aburuza eta Jauregiren aurka arituko dira (Behar Zana) eta irabaziz gero finalerdiak jokatzeko sailkatuko dira.