Hernaniko Udalak gaitzesten du Donibane Lohizunen euskaraz hitz egiteagatik izandako erasoa. Eta honakoa gaineratu du: «Euskal Herrian euskaraz egiteagatik halako jarrerak pairatu beharra onartezina iruditzen zaigu, eta gure elkartasun osoa adierazi nahi diogu erasoa jasan duen herritarrari».
Bestalde, euskaraz bizitzeko eskubidea aldarrikatzeko herri eragileek deitutako elkarretaratzean babesten dituztela ere jakinarazi dute: «eta halakorik berriro ez errepikatzeko lanean jarraitzeko borondateari irmo eusten diogu». Hernaniko Udalak egindako adierazpen hau, Hernaniko EH Bildu, EAJ-PNV, Elkarrekin Ahala Dugu eta PSE-EE udal taldeek sinatu dute.
Ehundaka aldarrikapen
Gainera, pasa den astean ehunka pertsona bildu ziren Donibane Lohizunen: Jean Louis Iratzoki donibandarrari sostengua agertzeko, eta euskararen aurkako erasoa salatzeko.