Datorren asteburuan emango zaio hasiera Uda Hernanin 2021 programazioari. Eta hasiera eder bat emateko, Hernaniko Musika Bandak kontzertua eskainiko du, Atsegindegin. Arratsaldeko 19:30etan emango zaio hasiera kontzertuari, eta gainera Severino Vazquezen azken kontzertua izango dela azaldu dute taldekideek; «60 urtez bandako kide izan ondoren, omenaldia egingo diogu». Doako emanaldia da datorren uztailaren 17koa, baina gonbidapena lortzea ezinbestekoa da: Biterin eskuratuz edo kultura.hernani.eus webgunean sartuz.