C.D. Hernaniko pelotariek hiru partidu jokatuko dituzte asteburu honetan, une honetan jokatzen ari diren bi txapelketa pribatuetan. Partida garrantzitsuenak Papelera Zikuñaga Txapelketan jokatuko dira. Txintxurreta eta Azpeitia kadeteek gaur goizean jokatuko dute Intzako (Lasarte-Oria) Diez de Gereñu eta Elosegiren aurka, 11:00etatik aurrera. Galtzen badute txapelketatik kanpo geratuko dira.
Altuna-Lasa seniorrek Intxurreren (Alegia) aurka jokatuko dute gaur arratsaldean, 17:30etan hasita. Irabazten badute finalerdiak jokatzeko sailkatuko dira. Zikuñagako Torneoan sei partidu jokatuko dira gaur Hernaniko frontoian goizez eta arratsaldez.
Zeanurin Salaberria eta Labakak, Bizkaiko bikotearen kontra ariko dira bihar 18:30etan.