Lehiara bueltatu dira esku pelotariak gaur, Zikuñaga Papelera txapelketarekin. Eta eguneko hiru partiduetatik aurrenekoan aritu dira Auritz Txintxurreta eta Oier Azpeitia kadeteak. Hernaniarrek ezin izan dute garaipena lortu, eta 16-18 galdu dute, Gaztelekuko Miner eta Salbadorren kontra. Oso partidu berdindua izan da hasieratik bukaerara, eta azkeneko zatian bi-hiru tantoren abantaila izan dute hernaniarrek; baina 16-14 aurretik zirela, andoaindarrek egin dituzte azkeneko lau tantoak, garaipena lortzeko.
Bihar izango dira beste hiru partidu, 18:00etan hasita Hernaniko kiroldegiko frontoian; eta bailarako bikote bat izango da tartean: Julen Deskarga hernaniarrak eta Egoitz Elizegi goizuetarrak jokatuko dute kadeteetan, Ilunpeko Otaegi eta Larrañagaren kontra. Ondoren izango dira honakoak: jubeniletan, Gaztelekuko Arrillaga eta Beloki, Alde Zaharrako Olaizola eta Sorondoren kontra; eta nagusietan, Epleko Urmeneta eta Zazpi Iturriko Beloki, Lapkeko Larrañagaren eta Añorgako Olidenen kontra.