Semifinaletara sailkatu dira Joana Tolaretxipi eta Irati Miner hernaniarrak, Euskal Herriko Irekia txapelketan, hirugarren mailan. Gaur daukate hitzordua, arratsaldeko 16:00etan hasita, Orozkon. Baina Covid-19a dela eta, konfinatuta dago Miner, eta ezingo du jokatu. Hori horrela, bere ordez ariko da Oihana Etxaide zumaiarra, Tolaretxipirekin batera.
Olarreta 2 taldea izango dute aurrean, hernaniarrak eta zumaiarrak, final haundira sailkatzeko lehian.
Ligaxkan, hiru partidutik bi irabazi zituzten Tolaretxipik eta Minerrek, eta bere multzoko bigarren postuan bukatu zuten. Beste multzoko bigarrenaren kontra ariko dira orain: bi irabazi eta bat galdu dute haiek ere.