Bukatu zuten batel denboraldia Hernaniko Arraun Elkarteko kideek, baina lehian jarraitzen dute haietako askok, oraindik ere. Izan ere, traineru denboraldian murgildu dira, klubeko zazpi arraunlari eta entrenatzaile bat. ETE ligan ari dira horietatik lau, Lapurdirekin: Asier Ocón entrenatzaile lanetan, Oihana Goenaga patroi gisa, eta Leire Zubieta jubenila eta Estitxu Zabala arraunean. Gainerakoak, KAE-2 ligan ari dira, bi traineru ezberdinetan. Donostiarrarekin ari dira Jokin Iraola, Aratz Tejedor eta Peru Pineda; eta Trintxerperekin Xabi Medina jubenila. Bestalde, ekainaren bukaerara arte aritu da lehian Beñat Odriozola ere, arraun egokituan. Gipuzkoako, Euskadiko eta Espainiako Txapelketetan hartu du parte hernaniarrak. Irudian ageri dira zortzi protagonistak. Goiko aldean, Xabi Medina, Asier Ocón, Jokin Iraola, Beñat Odriozola, Aratz Tejedor eta Peru Pineda. Eta behean, Leire Zubieta, Oihana Goenaga eta Estitxu Zabala.